انا تعبان
ومليون الف تنهيدة
يا احلامنا نقربلك
تعاندى وتفضلى بعيدة
يا مليون الف تنهيدة
على الوحدة
وعلى الخنقة اللى مسكانا
ومليون طظ فالعشرة
وفالناس اللى وجعانا
انا تعبان
انا تعبان طب احلفلك 
طب اثبتلك
ان خلاص مهيش فارقة
وانا عايشاها متفارقة
ولو كنت يوم انا فارقة
فهفرق بس مع نفسى
ياما شلت انا فـ نفسى
تعبت وعشتها عكسى
انا تعبان
انا تعبان  طب اقسملك
بان قضيتى هيا
عايش مقتول مليش دية
معشتش سن يوم ليا
بنيت جوايا ناس فيا .
بنيت جوايا ناس فيا .
وكلو سابنى فالاخر
انا مكسور والاخر
انا تعبان
وانتو ملايكة يا سادة
وانتو تمام وكالعادة
وانا المارد عايشها شيطان
انا تعبان
مصرة اتغابى على روحى
واذود جرح فـ جروحى
واسكت نبضى او بوحى
انا تعبان
وانا المتخان
وانا دايما بكون ليهم
وانا مش لاقى اى امان
انا تعبانة مش فارقة 
وانا ضالمة وانا سارقة وانافالتمقيا
وانا ممتاذة فالتمثيل
خلاص حلوة وكدة كويس
خلاص عايشنها بالتقويل
ماهى  خسرانة خسرانة
نزيد فوجعنا بالتحميل
ياعم تمام .. خلاص فكك
وضحكة جامدة هتنسى
وكام بيت شعر وهمثل
وكلو يصدق الضحكة
هصدقنى خلاص الناس
مهش قادرة تفكر اية بيوجعها
ونسمع كل من مخنوق
ولا فى حد يسمعنى
فباسم الخنقة هتكلم
وبسم الوحدة هتبلم
وبسم كلامكو بيعلم
على قلوبنا بمليون خط
انا تعبان
خلاص الضيقة كسرتنى
فمليون شكر عالغيرة
بلاها الحب والغيرة
وشوشنا وضحكنا عيرة
انا تعبان
ومش طايقة كلام عنكو
دانا تعدادى كان منكو
كفرت خلاص انا بيكو
كفرت بنهجكو ودينكو
انا تعبان ومش محتاج لمعلشى
ولا فى حاجة تستاهل
وبكرة احلى وهتمشى
انا محتاج لحضن يضمنى فجاة
واحس بنبض كام دقة
انا محتاج
لطاقة تزقنى زقة
فانا محتاج لناس من كوكب المريخ
لناس متعدش فيا تاريخ
لناس مخلوقة لجل افرح
لناس بطيخ
يا ايها الناس اللى تعبت من الكلام
قولو تمام
قولو مفيش  بكرة نعيش
وسلام سلام

تعليقات

إرسال تعليق

المشاركات الشائعة من هذه المدونة

Almirabelly.blogspot.com

كتبت عشان عيونه الشِعر : فقولت عشانه بتخيل لو الأيام بتجمعنا ودمي بيجري فـ وريدك هعوز م الدنيا ايه تاني وأنا عايشاها بين إيدك ، وجوا حضنك الدافي ، لأول مرة أتأكد بأن الحضن شئ كافي يلون قلبي بالزهري ، لأول مرة اكون اقوي واقول راجلي واقول ضهري ، لأول مرة اتخبي من العالم وراك انت وانا بتداري من خوفي ، وزود ربنا يقيني بأنك أب يحميني ، فـ بغلط واجي اتخبي وراك بردوا ، وأقول آسفة ، فتحضني وتقولي بس يا عبيطة ، مسامحك متخافيش من شئ ، هكونلك خل ، ضل ، طريق ، ولو دربك فيوم هيضيق ، هنمشي فـ دربي هيساعنا ، هنبني فـ الفضا بيتنا ، وهننسي حجات بتوجعنا ، فـ بطمن وبمسك ايدك الدافية بحس إني ملكت الكون ، تبص ف عيني وتقولي " ياست الكل كن فـ يكون " قصادك كل تعبي يهون ، هجبلك م السما نجمة ، هخلي الشعر مكتوب لك ، وراضي ابقي مغلوب لك ، فـ بتنهد ! واقوله جيت منين انت ؟ قدرت ازاي تخليني اشوفك حب يرويني ويجعلني اكون احلي ، بسلملك حياتي بقلبي دون إدراك ، بدون ما أعرف بحبك ليه ؟ بحبك وقت ما تقولي عشقتك لو ضحكتيلي ، بحبك وقت ما تشلني وتقولي يا حلوة غنيلي ، بحبك رغم خلافتنا الي مش بتق...
قراءة المزيد

Almirabelly.blogspot.com

شيزوفرنيا ظنيت بأن البُعد هيريح وأن النهاية كان لابد تكون كدة ظنيت بأني هخف من حُبه وعرفت اني صعب اكون متمردة وأرفض وجوده بكل ذرة قوة جوايا وعرفت إني بدونه مش عايشة وعرفت أنه مكنش ويايا من أول القصة مقدرش يعشقني نسي الي بينا وراح لها معقول انا الي بنت الي كان مرتاحلها ومحبهاش .. معقولة عاش معقول قدر بالسرعة دية يمسحني من باله دة انا كنت بقياله طب حتي مشتاقليش الدنيا مش عادلة .. حطانا فـ معادلة بنروح لناس بتختزلنا فـ كل شئ تبعاً لقوانين الحياة بنحب ناس بيحبوا ناس غيرنا الدنيا سيرك كبير ولو سيرنا بنلاقي ألف مطب طب ايه يارب الرب مش ظالم ولكني بتألم مش قادرة اعيش دونه ولا حتي بتعلم اراجوز بضحك كل خلق الله ببكي بعيد عن عين صحابي عشان ملقاش فـ عينهم شفقة عـ حالي كان مالي بس يارتني صديته أنا ليه قبلت اصدقه وبغلب حبيته محتاجة حضنه ونظرته ليا محتاجة حضنه لكل شئ فيا محتاجة اكون وياه اراجوز بواسي كل خلق الله وببكي جوا ملكوتي بكتب فـ شعر وبلعن الصدفة الحب كان نضفة كبرت فيه وبكل ما املك فـ جعلته طفل يتيم يارتني كنت اجهضته من قلبي اهو صار كبير ولازال بيكبر طو...
قراءة المزيد